When You Lead Workshops

 အရင်တစ်ပတ်က နယ်စပ်ဒေသက စစ်ဘေးရှောင်‌ ကလေး‌ေတွရဲ့ ပညာရေးအတွက် ကူညီပေး‌ေနတဲ့ volunteer အဖွဲ့တစ်ခုက ဆရာ၊ဆရာမတွေအတွက် Workshop လေးတစ်ခု လုပ်‌ပေးဖို့ ဖိတ်‌ခေါ်တာနဲ့ (conference တွေမှာ presentations လုပ်တဲ့အတွေ့အကြုံအထိုက်အ‌ေလျာက်ရှိ‌ေပမဲ့) workshop ရယ်လို့တစ်ခါမှမလုပ်ပေးဖူးပေမယ့် အဲ့ဒီဆရာ၊ဆရာမတွေနဲ့စကားပြောခွင့်၊ သူတို့ဆီကပြန်သင်ယူခွင့်ရတာပေါ့ဆိုပြီး ကူညီပေးဖို့လက်ခံလိုက်ပါတယ်။

အဲ့တော့ Workshop နဲ့ပတ်သက်တာလေးတွေလိုက်ရှာဖတ်ကြည့်ရင်း အဓိကပါဝင်ရမဲ့အချက်ကလေးတွေမှတ်စုထုတ်ဖြစ်ပါတယ်။ ကျန်တဲ့ theory‌ တွေ၊ framework တွေခဏဖယ်ထားပြီး အဓိကကျတာ‌ လေးပဲပြောရရင်‌တော့

၁။ Workshops ဦးဆောင်သူတစ်ယောက်ဆိုတာက ကျွန်တော်တို့ ဆရာတွေ ကျောင်းသားတွေကိုစာသင်သလိုပေါ့ ပို့ချသူ (sage on the stage) တာဝန်ကိုယူရသလို၊ ဘေးကနေ ပံ့ပိုးကူညီရတဲ့တာဝန် (guide on the side) ကိုလဲယူရပါတယ်။

၂။ Workshop တစ်ခုမှာ အပိုင်း၃ပိုင်းပါဖို့ တိုက်တွန်းကြပါတယ်။

1. What

2. Why

3. How

What အပိုင်းမှာတော့ ဒီworkshop မှာကိုယ်ဆွေးနွေးချင်တဲ့အကြောင်းအရာကို ရှင်းပြတဲ့အပိုင်း (input) ပေးတဲ့အပိုင်းပေါ့။ ဥပမာ - project-based learning အကြောင်း workshop လုပ်ပြီဆို project-based learning ကဘာလဲဆိုတဲ့ concept ကိုရှင်းပြတာပေါ့။

Why အပိုင်းမှာတော့ ဘာကြောင့် ဒီအကြောင်းအရာက အရေးကြီးကြောင်း သုတေသန အထောက်အထားနဲ့ဖြစ်စေ၊ ကိုယ့်အတွေ့အကြုံရဖြစ်စေ၊ Theory တွေအရဖြစ်စေ အထောက်အထားခိုင်ခိုင်လုံလုံနဲ့ ရှင်းပြရတဲ့အပိုင်းပေါ့။ ဥပမာ project-based learning က ဒီနေ့အခါမှာဘာလို့အရေးကြီးသလဲဆိုတာကို ပြောပြတာမျိုး။

How အပိုင်းကတော့ (ကျွန်တော့်အမြင်) အရေးအကြီးဆုံးဖြစ်ပြီး workshop လို့နာမည်တပ်ကြပေမယ့် workshop အများစုမှာ မပါကြတဲ့အရာတစ်ခုလို့ပြောရမယ်။

ရှေ့မှာ input အနေနဲ့ ကိုယ်ပြောပြထားတဲ့ အကြောင်းအရာကို စာသင်ခန်းထဲမှာ လက်တွေ့ဘယ်လိုအကောင်အထည်ဖော်မလဲ၊ အသုံးချမလဲ ဆိုတာကို ပြောပြရုံသာမက participants ဆရာ၊ဆရာမတွေကို ဖြစ်နိုင်ရင် တကယ့်စာသင်ခန်းထဲမှာ သင်ကြားရမဲ့ ပုံစံအတိုင်း လက်တွေ့ activities ပါဝင်ပြီးလုပ်စေတဲ့အပိုင်း၊ ဆွေးနွေးကြတဲ့အပိုင်းပေါ့။ ဒါမှသာ ဆရာ၊ဆရာမတွေအနေနဲ့ lecture တစ်ခုမှာလို့ သာမှန်အချက်အလက်တွေ မှတ်ယူရတာမျိုးထက် တစ်ဆင့်တိုးပြီး လက်တွေ့ ဝေဖန် ဆန်းစစ်၊ သုံးသပ်ခွင့်ရမှာဖြစ်ပါတယ်။

အနှစ်ချုပ်ရရင် ကျွန်တော်တို့ ပုံမှန်စာသင်ကြားတဲ့အခါ တက်ကြွတဲ့သင်ယူမှုဖြစ်စေဖို့ interaction patterns တွေစုံအောင်သုံးကြသလိုလို့ပြောရမယ်ထင်တယ်။ အောက်ကပုံကတော့ ကျွန်တော် workshop မလုပ်ခင် Interaction patterns တွေဆွဲကြည့်ထားတဲ့ဟာပါ။

WL = workshop leader

PT(s) = participant teachers

အပြောတော့လွယ်ပေမယ့် ကျွန်‌တော်တကယ်လုပ်တော့လည်း အခက်အခဲတွေတော့ တွေ့ရတာပေါ့။ စီစဉ်ထားသလိုတော့ဖြစ်မလာပေမဲ့ ဒီလိုပဲ လေ့လာရင်း၊ သုံးသပ်ရင်း၊ ပြုပြင်ရင်းနဲ့ ပိုကောင်းအောင် လုပ်ကြရမှာပါပဲ။

ဆရာတို့၊ ဆရာမတို့ရော Workshop နဲ့ပတ်သက်တဲ့ အကြံပြုချက်၊ မှတ်ချက်၊ အတွေ့အကြုံ စတဲ့ အမှတ်တရတွေရှိရင် မျှဝေပေးဖို့ဖိတ်ခေါ်ပါတယ်။